Ikigai School · 4-тоқсан конкурсы

Ойын жасау конкурсы туралы ереже

Бұл бетте конкурс мақсаты, команда құрамы, техникалық талаптары және бағалау жүйесі берілген. Төменде команда өтінімін жіберуге және өтінім мәртебелерін көруге болады.

Өтінім беру Ережені оқу Өтінімдер тізімі
Маңызды: команда құрамы 3-тоқсан каникулдары басталғанға дейін толық анықталуы тиіс. Қорғау 2026 жылғы 14 мамырда өтеді.
1

Конкурстың мақсаты

Оқушылардың шығармашылық қабілеттерін, логикалық ойлауын, цифрлық сауаттылығын және бағдарламалау дағдыларын дамыту.

  • командалық жұмысты қалыптастыру;
  • жобалық ойлау қабілетін дамыту;
  • ақпараттық технологияларға қызығушылықты арттыру;
  • қазақ тілінде цифрлық өнім жасау дағдысын жетілдіру.
2

Қатысушылар және команда құрамы

Әр команда 4 оқушыдан тұруы тиіс.

1) Команда капитаны 1 оқушы. 7 немесе 8-сыныптан болуы тиіс. Команданың жұмысын ұйымдастырады, бағыт береді, міндеттерді бөледі және ойын әзірлеу процесіне өзі де қатысады.
2) Презентация құрастырушы 1 оқушы. 5 немесе 6-сыныптан болуы тиіс. Команданың жобасын таныстыруға арналған презентацияны дайындайды.
3) 1-қорғаушы 4«А» сыныбының 1 оқушысы. Ойынды қазақ тілінде таныстырады, презентацияны қорғайды.
4) 2-қорғаушы 4«Ә» сыныбының 1 оқушысы. Ойынның жұмысын көрсетіп, жобаны қорғауға қатысады.
Командалар өз құрамын 3-тоқсан каникулдары басталғанға дейін бекітуі міндетті.
3

Негізгі тапсырма

Команда 4-тоқсан барысында бір компьютерлік ойын жасап шығуы тиіс. Ойын төмендегі үлгілердің біріне негізделуі мүмкін:

Bricks Breaker Tetris Jewels Blast Geometry Dash Super Mario
4

Техникалық талаптар

Дайын ойын міндетті түрде тек төмендегі 3 файл арқылы жүзеге асырылуы тиіс:

HTML CSS JavaScript
Яғни ойын құрылымы, безендірілуі және логикасы осы үш файлдың ішінде орындалуы керек.
5

Ойынға қойылатын міндетті талаптар

  • басты мәзір;
  • кемінде 5 деңгей;
  • бонустар;
  • финалдық деңгей;
  • restart батырмасы;
  • ұпай саны;
  • рекорд көрсеткіші;
  • ойыншының атын енгізу мүмкіндігі.
Финалдық деңгей boss деңгейі немесе басқа деңгейлерден күрделірек соңғы кезең түрінде болуы мүмкін.
6

Тілдік және таныстыру талаптары

  • ойын интерфейсі толықтай қазақ тілінде болуы тиіс;
  • презентация толықтай қазақ тілінде дайындалуы тиіс;
  • жобаны қорғау қазақ тілінде өткізіледі;
  • ойынның жасалу кезеңдерін көрсететін скриншоттар ұсынылуы тиіс;
  • әр қатысушы өз рөліне сай нақты жұмыс атқаруы тиіс.
7

Команда мүшелерінің міндеттері

Команда капитаны

  • команданың жұмысын ұйымдастырады;
  • тапсырмаларды бөледі;
  • ойынның құрылымы мен бағытын айқындайды;
  • ойын жасау процесіне тікелей қатысады.

Презентация құрастырушы

  • презентацияның мазмұнын және құрылымын әзірлейді;
  • ойын туралы ақпаратты слайдтарға енгізеді;
  • скриншоттар мен көрнекі материалдарды жинақтайды.

Қорғаушылар

  • жобаны қазақ тілінде қорғайды;
  • презентацияны түсіндіреді;
  • ойынның жұмысын көрсетеді;
  • сұрақтарға жауап береді.
8

Бағалау жүйесі

Жалпы максималды ұпай – 100 балл. Әр команда мүшесі өзінің еңбегі мен нәтижесіне қарай жеке бағаланады.

Қатысушы / бөлім Бағалау өлшемі Балл
Команда капитаны Команданы ұйымдастыруы, ойын жасау процесіне қатысуы, жұмысты үйлестіруі 30
Презентация құрастырушы Презентация мазмұны, сапасы, құрылымы, скриншоттар мен материалдарды дұрыс ұсынуы 20
1-қорғаушы Қазақ тілінде түсіндіруі, презентацияны жеткізуі, ойынды таныстыру сапасы 15
2-қорғаушы Қазақ тілінде түсіндіруі, презентацияны жеткізуі, ойынды таныстыру сапасы 15
Команданың ортақ нәтижесі Ойынның техникалық дұрыс жұмыс істеуі, талаптардың толық орындалуы, қазақ тілінде жасалуы, шығармашылық және сапа 20
Жалпы балл 100
9

Қорытынды ереже

Бағалау тек дайын ойынға ғана емес, әр қатысушының өз рөлі бойынша атқарған еңбегіне де негізделеді. Сондықтан команда мүшелерінің әрқайсысы өз міндетін сапалы, жауапкершілікпен және уақтылы орындауы тиіс.

10

Өтінімдер тізімі

Төменде күтілуде тұрған, қабылданған және қабылданбаған командалар көрсетіледі.

Күтілуде

Барлығы: 0 команда.

Күтілудегі өтінімдер әлі жоқ.

Қабылданған

Барлығы: 0 команда.

Қабылданған өтінімдер әлі жоқ.

Қабылданбаған

Барлығы: 0 команда.

Қабылданбаған өтінімдер әлі жоқ.

Ikigai School

Ikigai School

Ұлттық құндылық пен заманауи білім

Байланыс

улица Хантенгри, 37, микрорайон Думан, Алматы

Copyright ©2026. All Rights Reserved.

Осы сайт-жобаның авторлары:

Dauletuly JustAidyn

Sherkhan — Ikigai School IT мұғалімі

Ikigai ЖИ кеңесшісі

Мектеп туралы сұрақтарға жедел жауап

Чатты бастау үшін байланыс деректеріңізді қалдырыңыз.

ЖИ кеңесшісі тек Ikigai мектебі туралы берілген ақпаратқа сүйеніп жауап береді.